Primates

D'Primaten (oder d'Härendéieren) sinn eng Uerdnung vun héich entwéckelte Mamendéieren.

Hir Entwécklung huet viru méi wéi 80 Millioune Joer ugefaangen, wou si primär an de Beem gelieft hunn. Ingesamt gëtt et haut 250 lieweg Aarten. Et gëtt tëscht zwou verschiddene Gruppen ënnerscheet: Afe mat fiichten Nuesen (Strepsirrhini) an Afe mat dréchenen Nuesen (Haplorrhini). Zu der leschter Kategorie gehéiert och de Mënsch.

Geschicht

Zur Entwécklung vun den éischte Primate koum et an der Period vum Eozän virun 58 bis 37 Millioune Joer. Um Enn vun dëser Zäit ware si schonn an zwou Gruppen agedeelt, an zwar an d'Alweltafen, déi Afrika an Asien bewunnen, an d'Neiweltafen, déi Amerika bewunnen.

An der Period vum Oligozän sinn dunn déi héich Primaten entstanen. Am fréie Miozän viru ronn 24 bis 20 Millioune Joer koumen d'Mënschenafen.

Liewensweis

Systematik

• Primaten
  • Ënneruerdnung Afe mat fiichte Nuesen (Strepsirrhini)
    • Infrauerdnung Lemuriformes
      • Iwwerfamill Cheirogaleoidea
        • Famill Kazemakien (Cheirogaleidae)
      • Iwwerfamill Lemuroidea
        • Famill Lemuren (Lemuridae)
        • Famill Wiselmakien (Lepilemuridae)
        • Famill Indridae
    • Infrauerdnung Chiromyiformes
      • Famill Daubentoniidae
    • Infrauerdnung Lorisiformes
      • Famill Lorisidae
      • Famill Galagidae
    • Infrauerdnung Adapiformes †
  • Ënneruerdnung Afe mat dréchenen Nuesen (Haplorrhini)
    • Infrauerdnung Tarsiiformes
      • Famill Koboldmakien (Tarsiidae)
    • Infrauerdnung Simiiformes
      • Neiweltafen (Platyrrhini)
        • Famill Cebidae
        • Famill Nuetsafen (Aotidae)
        • Famill Sakiafen (Pitheciidae)
        • Famill Klamerschwanzafen (Atelidae)
        • Famill Krallenafen (Callitrichidae)
      • Aalweltafen (Catarrhini)
        • Iwwerfamill Cercopithecoidea
          • Famill Cercopithecidae
        • Iwwerfamill Hominoidea
          • Famill Gibbons (Hylobatidae)
          • Famill Mënschenafen (Hominidae)

Um Spaweck