Wulki panda, tež wulki pandamjedwjedź (Ailuropoda melanoleuca) je družina mjedwjedźow (Ursidae).
Wulki panda je spłóšiwy a docpěje wulkosć wot něhdźe 1,5 hač do 1,8 m. Jeho koža je běła hač nažołć běła, mjeztym zo wuši a nohi su čorne, ale tež wokolina wóčkow je čorna. Nimo toho ma čornu smuhu mjez prědnimaj nohomaj na chribjeće a hródźi. Hłowa je wulka a kulojta. Wón móže wažu wot wjace hač 100 kg docpěć.
Žerje nimale jenož bambusowe wurostki, při ćimž daloko pućuje.
Wulki panda je žiwy w młowatych bambusowych lěsach juhowuchodnych regionach srjedźneje Chiny, we wysokosćach wot 2300 hač do 3800 m. Při tym 90 % su žiwy w prowincy Sichuan. Prjedy bě wot sewjerneje prowincy Gansu hač do sewjerneje Burmy domjacy.
Sančki porodźa po 97 hač do 163 dnjach w skalnej jamje abo bambusowej husćinje jara małke młodźata, kotrež maja wahu wot jenož sto gramow. Po dwěmaj hač do třoch lětach bywaja samostatne. Hakle w starobje pjeć do šěsć lět bywaja splažnje zrałe.
Wulke pandy so dźensa w coowach plahuja, při čimž bu prěnje młodźo w lěće 1963 w Pekingskim coowje narodźene.
Wulki panda, tež wulki pandamjedwjedź (Ailuropoda melanoleuca) je družina mjedwjedźow (Ursidae).