Lobo

Canis lupus l'è 'l nòm scentìfich del luf, en mamìfer carnìvor de la famìa dei Canidae.

La spéce la s'è trasfurmàda endèl córs de la stória 'nfìna a diferensiàs en divèrse sotaspéci, compàgn del luf europèo (Canis lupus lupus), el luf artich (Canis lupus arctos) e tàte ótre. Pò a 'l cà demèstech l'è cunsideràt 'na sotaspéce del Canis lupus e difàti la pórta 'l nòm scentìfich de Canis lupus familiaris. Gh'è de notà che mìa töte le sotaspéci del Canis lupus le rièntra 'ndèl ensèma de animài che la lèngua de töcc i dé la ciàma luf. El cà, apéna lüminàt, l'è 'n ezèmpe, ma pò a i dingo de l'Austràlia e vergöne ótre spéci minùr de cànidi i è ach enserìde 'ndèla spéce biològica Canis lupus ma le pórta 'n nòm popolàr diferènt.

El Luf

I ezemplàr de la spéce Canis lupus i pöl vìga aspèt diferènt a segónt de la regiù de urìgin. I lùf i è dei anemài predadùr che vìf e càcia 'n ròs organizàcc segónt 'na gerarchìa sociàl cumplicàda.