La crášteca (Lanius collurio Linnée, 1758) è ne cegliucc passereform de la famiglia Laniidae.
La crášteca è lònga cchiù o méne 18 cm, é pésa ‘m mèdia 35 g, tè gl cuorp rusc-brune a part pe ngima é ghiangh-resate ngim’a la panza. La còccia é la schina suo de chelore grigg-ardèsia. La coda è néra che gl late ghiangh. Gl cape de chelore chiare tè na fascia néra ch’attravèrza gl uocchie, ma sule a gl máscure.
A l’Etalia, salve ca a gl Salènd é a la Secilia, ze tròva dappettutt vecin’a le cámbera é a le sélv. Nedífeca quasce a tutta l’Euròpa, l’Asia é l’Áfreca e gl Nòrd, trann ca a le reggiune cchiù settendrienale.
Cegliucc carnacchiare, tè gl mòde de fà típece de la famiglia séa, nfatt magna nziétt, ma pure mammífere peccerigl, icèrt é ranòcchie. Comm quasce tutt le crášteche tè l’abbetúdene de nfelà la prèda a le spine de gl ruve.
La crášteca nen rembonn gl nide ávet’assá miés’a le fratt. La jeccata è de 4 a 6 òva.
Le pepelaziune štav’a calà. Comm pe tutt quand le crášteche, ze tratta de na spècie che nen ze pò caccià ‘m base a quéll che dice la légg 157/92.
