Egretta Alba

Ardea alba melanorhynchos

Slobrowita šytawa^[1] (Casmerodius albus, syn.: Ardea alba) jo ptašk ze swójźby (Ardeidae).

Wopis

Slobrowita šytawa ma běłe pjerje. Jeje šnapac jo wjeliki, kałakojty a žołty. Ptašk dośěgnjo dłujkosć wót 85 až do 104 cm a dalokosć rozpněśa wót 145 až do 170 cm. Śamnej noze stej dłujkej. Šyja jo dłujka a pśi lětanju zekśiwjona. Na rozdźěl wót drugich šytawow šnapacowy kórušk se akle za wokom kóńcy.

Žerjo žaby, ryby a bźezrěpniki w płonej wóźe a suchych stronach bagnow.

W sedańskem casu šnapac jo carny. Mimo togo njaso dłujke pyšne pjera na kśebjaśe, mjaz tym až dłujke pjera na tyle feluju.

Rozšyrjenje

Ptašk jo w pódwjacornej a srjejźnej Europje, wósebnje w regionje Carnego mórja a Kaspiskego mórja, rozšyrjony. Wón pśezymujo w regionje Srjejźnego mórja a w Africe.

Nožki

1. ↑ ^{1,0 1,1} W internetowem słowniku: Silberreiher

Žrědła

• Chris Kightley, Steve Madge, Dave Nurney: Taschenführer Vögel, Alle Arten Mitteleuropas, ISBN 3-405-15320-4, bok 19, pód lema Silberreiher, z wědomnostnym mjenim Egretta alba (nim.)
• David Alderton: Vögel. Parragon Books Ltd. (pśełožony wót Coralie Wink, Jorunn Wissmann). , bok 46, pód lema Silberreiher, z wědomnostnym mjenim Ardea alba (nim.)