Egretta Alba

বৰ বগ^[2](ইংৰাজী: Great Egret, বৈজ্ঞানিক নাম-Ardea alba)^[3][4][5] এটা ডাঙৰ আকাৰৰ আৰু বহুলভাৱে বিস্তৃত বগলীৰ প্ৰজাতি৷

বিৱৰণ

উৰন্ত অৱস্থাত এটা বৰ বগ

বৰ বগ এটা ডাঙৰ আকাৰৰ বগলীৰ প্ৰজাতি৷ ইয়াৰ সমগ্ৰ দেহটো ধকধকীয়া বগা৷ ইয়াৰ উচ্চতা প্ৰায় এক মিটাৰ আৰু দৈৰ্ঘ্য প্ৰায় ৮০-১০৪ মিটাৰ৷ ^[6][7] ইয়াৰ দেহৰ ওজন ৭০০-১৫০০ গ্ৰাম পৰ্যন্ত হ'ব পাৰে৷^[8]দেখাত একেধৰণৰ বগলীৰ আনবোৰ প্ৰজতিৰ পৰা ইয়াক ইয়াৰ হালধীয়া ঠৌঁট, ক'লা ঠেং আদিৰ দ্বাৰা পৃথক কৰিব পৰা যায়৷ মতা-মাইকী উভয়ৰে বাহ্যিক গঠন প্ৰায় একে হয়৷

Sketch to differentiate Great Egret from Intermediate Egret at close range.

উৰন্ত অৱস্থাত ইয়াৰ দীঘল ডিঙিটো কোঁচ খুৱাই থয়৷ ই সাধাৰণতে নিমাতে থাকে৷ কেতিয়াবাহেকুক কুক কুক বুলি মতা শুনা যায়৷

টেক্স'নমি

বৰ বগৰ সাধাৰণতে চাৰিটা উপ-প্ৰজাতি দেখা পোৱা যায়৷ এইবোৰ হ'ল-

• Ardea alba alba (ইউৰোপ)
• Ardea alba egretta (আমেৰিকা)
• Ardea alba melanorhynchos (আফ্ৰিকা)
• Ardea alba modesta (ভাৰত, দক্ষিণ-পূব এছিয়া, আৰু ওচেনিয়া)

আচৰণ

খাদ্য

মাছ খোৱা অৱস্থাত

বৰ বগে সাধাৰণতে অগভীৰ পানীত খাদ্যৰ সন্ধান কৰে৷ ই প্ৰধানকৈ মাছ, ভেকুলী, সৰু মেৰুদণ্ডী প্ৰাণী, সৰীসৃপ, পোক-পতংগ আদি খাই জীয়াই থাকে৷ ই চিকাৰৰ সময়ত বহু সময় লৰচৰ নকৰাকৈ চোপ লৈ থাকি অৱশেষত চিকাৰক ইয়াৰ দীঘল ঠোঁটেৰে টান মাৰি উঠাই আনে৷

প্ৰজনন

পোৱালিৰ সৈতে এটা বাহত

বৰ বগ আংশিক ভাৱে পৰিভ্ৰমণকাৰী চৰাই৷ ই শীতকালত উত্তৰ গোলাৰ্ধৰ পৰা দক্ষিণলৈ প্ৰব্ৰজন কৰে বুলি জনা যায়৷ ই সাধাৰণতে বৃহৎ গোটত বাস কৰে৷ জলাশয়ৰ পাৰৰ গছত ই গছৰ ডালিৰে বাহ সাজে৷

Ardea alba melanorhynchos

তথ্যসুত্ৰ

• Roger Tory Peterson (1998). Eastern Birds. Peterson Field Guides (4th সম্পাদনা). প্ৰকাশক New York: Houghton Mifflin. পৃষ্ঠা. 102. ISBN 978-0-395-91176-1.
• David W. Snow, Christopher M. Perrins, Paul Doherty & Stanley Cramp (1998). The Complete Birds of the Western Palaearctic on CD-ROM. Oxford University Press. ISBN 0-19-268579-1.