Amfibi utawa Amphibia, lumrahé didhèfinisikaké minangka kéwan kanthi balung mburi(vertebrata) sing urip ing rong alam; ya iku ing banyu lan ing dharat. Amfibi ngendhog ing banyu, utawa nyimpen endhogé ing papan sing lembab lan teles. Nalika netes, larvané sing jenengé berudu urip ing banyu utawa papan teles mau lan ambegan nganggo angsang. Sawisé pirang dina, berudu bajur malih wujud (metamorfosa) dadi kéwan diwasa, sing lumrahé urip ing dharatan utawa ing papan-papan sing luwih garing lan ambegan nganggo paru-paru.
