O esquiruelo (Sciurus vulgaris (Linné 1758)) ye una especie de radedor d'a familia sciuridos distribuita por a més gran part d'o Paleartico.
Ye a sola especie autoctona d'o chenero Sciurus distribuita en a Peninsula Iberica y gran part d'Europa Occidental, por o que este esquiruelo tamién ye conoixiu como "esquiruelo europeu" en o luengache scientifico. En países con atras especies d'esquiruelos ye conoixiu tamién como "esquiruelo royo" en a respectiva luenga d'o país, como ye o caso d'Anglaterra, a on que introducioron esquiruelos grisos dende Norteamerica.
A palabra aragonesa "esquiruelo" perteneixe a lo lexico galo-romanz y se pronuncia con protesi velar tipica dezaga de "r" (/esquirgüelo/), d'acuerdo con a fonetica aragonesa, pero seguindo criterios etimolochicos no s'ha d'escribir.
A variant "esquiruello" representa una confusión d'o sufixo -uelo con a terminación -uello de muitas palabras patrimonials aragonesas (caramuello, uello, Marcuello, ecetra).
O esquiruelo (Sciurus vulgaris (Linné 1758)) ye una especie de radedor d'a familia sciuridos distribuita por a més gran part d'o Paleartico.
