Švėnta Juonė žuolie, kėtap da Švėntū Juoniū žuolie, Marėjės žuolie, juonžuolė, juonažuolė (lot.Hypericum perforatum) ī tuokis žuolīns, dėdlis liekvarstos.
Švėnta Juonė žuolie daugiametis augals īr, ožaug ons lėg metra aukštoma. Stombris statmens būn, vėršou šakuots; lapā prīšėnē, paėlgi, lėgēs kraštās. Švėnta Juonė žuolės žėidā būn geltuoni, aug krūvuo šloutelies. Žīdia ciela vasara.
Tasā žuolīns aug pėivūs, sausuos retuos medies, kalnū šlātūs, pagriuoviūs. Anam patink sausas ė saulietas vėitas.
Švėnta Juonė žuolie ī liekvarstos nug vėrškėnėma lėgū, alsavėma sonkomu, mažėn kraugīsliu pralaidoma, tink nug ėnkstu oždegėma, akmenū, mažėn nerimavėma. Tepuogė tink žāzduom, suopontē bornā skalautė.