Сира чапля (Ardea cinerea) є великый бродивый птахы з родины чаплёвых. Є богато росшырена, жыє на вшыткых контінентах выходной півкулї з вынятком Австралії і жывить ся переважно рыбами. В Европі іде о найвекшого представителя чапель.[1]
Сира чапля є великый, силно ставляный птах. Росте до 84 - 102 цм, роспятя крыл мірять 155 - 175 цм і досягує вагы міджі 1 - 2 кґ. Єй найнападнїшым ознаком є довгый тонкый карк і довгы ногы, котры єй уможнюють рушати ся і у векшых глубках. Є напросто незамінительна, од спіднёй стороны брудно біла і зверьху сива з ружовожовтым дзёбаком, тмавыма смугами на карку, чорныма кінцями крыл і тмаво продовженыма пірками на голові. Хоць є у векшынї рока зафарблена подобно, в часї розмножованя мать обычайно о дашто червенїшый дзёбак і ногы.[2] Поглавя ся міджі собов не різнять, молоды птахы суть у порівнаню з дорослыма выразно тмавшы і з великой части їм хыбує біле зафарблїня карку і довгы тмавы пірка на голові.[3]
Лїтать з помалыма ударами крыл, карк мать притім есовито закривеный і натягнуты ногы.
Почути єй найчастїше як лїтать а суровым крее або крейх.
Сира чапля належыть міджі росшырены і богато заступены чаплї, з ґлобалнов популаціёв 710 000 - 3 600 000 екземпларів. Жыє практічно в цїлій Европі, цїлком хыбує лем на великій теріторії Шкандінавії, дуже росшырена є і в Азії і жыє тыж в Африцї, конкретно в северній Африцї у субсагарьскій части Африкы.
Сира чапля (Ardea cinerea) є великый бродивый птахы з родины чаплёвых. Є богато росшырена, жыє на вшыткых контінентах выходной півкулї з вынятком Австралії і жывить ся переважно рыбами. В Европі іде о найвекшого представителя чапель.
.jpg)
