A gralla (Corvus frugilegus (L., 1758)) ye un muixón d'a familia d'os corvidos de color negra de raso, con briluras metalicas en as plomas, distinguible d'altros animals d'a mesma familia per a marca ampla sin de plomas que es masclos tienen arredol d'o pico. Ye una d'as especies de corvidos més estendillatas per Eurasia, plegando d'a frontera atlantica d'o continent enta as estepas de l'Altai.
As suyas midas van entre es 40 y es 48 cm de lonchitut, estando un poquet més chica que no a cuerva. Unaltra d'as diferencias que fan con altros corvidae ye a forma més punchuda d'o suyo pico, especialment important perque las fembras, en no tener garra aria esplomada en a base d'o pico, se pareixen més a altros muixons d'a familia.
A més d'as garzas, as grallas son es corvidos que més a sobén se puede veyer en as arias poblatas per o ser humán. Son animals d'una gran intelichencia, gosan de rechirar en a vasura en as ciudatz, y diz que conservan beluns d'es alimentos que cullen, especialment es fruitos secos (glans, fayetas, abellanas, ecetra.) adintro d'o fiemo ta aconservar-los més frescament y per més tiempos.
