Les especies d'aves con nome común en llingua asturiana márquense como NOA. En casu contrariu, conséñase'l nome científicu o de la SEO.
El samartín, verderríos o martinete NOA (Alcedo atthis) ye una especie d'ave coraciiforme de la familia Alcedinidae, qu'habita'n llagos y ríos d'Europa, África y Asia.
El llombu del cuerpu, cabeza y ales ye azul-turquesa con rellumos verdosu-metálicos. El banduyu y un par de zones sobre los güeyos son de color naranxa, mentanto que les zones del gargüelu, oreyes y furacos nasales son blanques. Pesie a estes xeneralidaes, ye complicao dar un patrón exautu del color del so plumaxe, darréu qu'esti varia según la incidencia de la lluz. Sicasí, ye un ave inconfundible.
