मछरेंगा या कॉमन किंगफिशर (अंगरेजी: Common Kingfisher; बैज्ञानिक नाँव:Alcedo atthis) एगो भारी ठोड़ वाली चिरई बाटे। ई रंग बिरंगी आ सुन्दर चिरई होखे ले।
मछरेंगा के कई ठो उपप्रजाति भी पावल जालिन। ई एशिया, यूरोप आ उत्तरी अफिरका के हिस्सन में पावल जाले। ई पक्षी साफ़ पानी के एगो बहुत नीक पहिचान हवे आ कौनों इलाका में एकर पावल जाइल ई बतावे ला की ओह इलाका के पानी के भण्डार (ताल, झील, तालाब, नदी इत्यादि) बहुत प्रदूषित नइखे भइल।[2] कृत्रिम तरीके से बांध बनावल या पानी के बहाव के मैनेज कइल एकरा संख्या पर खराब असर डाले ला।[3]
भूगोलीय बिबिधता
क्षेत्र की अनुसार एकरा कई गो उप प्रजाति पावल जाली।
-
A. a. ispida (लिन्नायास, 1758)।[4] मिलन काल में: दक्खिनी नार्वे, आयरलैंड आ स्पेन से पच्छिमी रूस आ रूमानिया ले, जाड़ा (गैर-मिलन काल) में पुर्तगाल आ ईराक ले।
-
A. a. atthis (लिन्नायास, 1758)। Breeds from उत्तरी-पच्छिमी अफिरका आ दक्खिनी इटली से अफगानिस्तान, कश्मीर क्षेत्र, उत्तरी सिनजियांग, आ साइबेरिया; जाड़ा में ई दक्खिन ओर बढ़ के इजराइल,[5] उत्तरी-पूरबी सूडान, यमन, ओमान आ पाकिस्तान ले पहुँच जाला। A. a. ispida के तुलना में एकर कलँगी ढेर हरियर, पेट की ओर के निचला हिस्सा ढेर पियाराहूँ होला आ ई ओकरा ले कुछ हल्का सा बड़ आकार के होला।
-
A. a. bengalensis (ग्मेलिन, 1788)। मिलन काल में दक्खिन एशिया आ दक्खिन पूरुब एशिया में भारत से ले के इंडोनेशिया चीन कोरिया, जापान आ पूरबी मंगोलिया में; जाड़ा में ई दक्खिनी इंडोनेशिया आ फिलिपींस ले पहुँच जाले। यूरोपियन प्रजाति की तुलना में तनी छोट बाके ढेर चमकीली चिरई हऽ।
-
A. a. taprobana (क्लेनश्मिड, 1894)। श्री लंका आ दक्खिनी भारत के स्थायी मिलन-काल वाली। ऊपरी हिस्सा चमकीला नीला होला न कि हरियाराहूँ नीला आ एकर आकार भी A. a. bengalensis के बराबर होला।
-
A. a. floresiana (शार्प, 1892)। बाली आ तिमोर के स्थायी मिलन-काल वाली। A. a. taprobana नीयर, नीला रंग अउरी गहिरा होला।
-
A. a. hispidoides (लेसन 1837)। Resident breeder from सुलावेसी से न्यू गिनी आ पच्छिमी प्रशांत के दीप सभ ले स्थायी रूपसे मिलन काल में रहे वाली। रंग A. a. floresiana के तुलना में गहिरा।
-
A. a. solomonensis (रॉठचाइल्ड & हार्टर्ट 1905)। सोलोमन दीप आ आसपास। दक्खिनी पूरबी एशिया में पावल जाए वाला किंगफिशर में सभसे बड़ आकार वाली।
संदर्भ
-
↑ बर्डलाइफ इंटरनेशनल (2012). "Alcedo atthis". आइ॰यू॰सी॰एन॰ लाल सूची. आइ॰यू॰सी॰एन॰. 2012: e.T22683027A40556256. पहुँचतिथी 5 दिसंबर 2015.CS1 maint: Uses authors parameter (link)
-
↑ Peris, S. J.; Rodriguez, R. (1996). "Some factors related to distribution by breeding Kingfisher (Alcedo atthis L.)". Ekologia Polska. 54 (1–2): 31–38.
-
↑ Lin, Wen-Loung; Tsai, Hsien-Hsiu; Wu, Hsuan-Ju (2007). "Effect of ditch living thing by process of original structure replacement by RC irrigation ditch" (PDF). Journal of Chinese Soil and Water Conservation (Chinese में). 38 (1): 31–42.
-
↑ ब्रैकेट में नई प्रजाति के रूप में पहिचान या स्टेटस बदलाव के लिखल गइल बा।
-
↑ Arnold, Paula: Birds of Israel, (1962), Shalit Publishers Ltd., Haifa, Israel. p. 12
