dcsimg

Jembut landa ( الجاوية )

المقدمة من wikipedia emerging languages

Jembut landa, senthiet utawi rambusa nami ilmiahipun Passiflora foetida inggih punika tasih kulawarga markisah (Passifloraceae). Sekaripun wonten 3 werni-werni benang sarinipun. Wonten ingkang pethak, ungu, saha jambon. Sekaripun namung megar mboten ngantos setengah dinten, kinten2 jam 10.00 an sampun mingkup malih. Taneman punika ugi dipunwastani anggur hutan, conthoman, seletupan, nyomlang. Dipun wastani jembut landa mbokmenawi saking werninipun kelopak tambahan (epikalik) ingkang mboten rontok nalika kembang sampun rontok, malah nutupi woh, ugi sareng sampun dalu wohipun epikalik wau dados werni kuning. Mbokmenawi niku ketingal kados rambut pirang Welandi (Landa) wonten ing netranipun piyantun Jawa jaman rumiyin.

Wohipun ingkang sampun kuning raosipun manis radi kecut dipunremeni lare alit, peksi trothokan saha kuthilang. Pucuk taneman ingkang tasih enem saged kanggé sayuran. Tugelan ranting wetawis 25 cm kathahipun satekem dipunrendhem sedalu saged kanggé gantos detergent kanggé ngumbahi rasukan kinten-kinten 3 potong. Ingkang sekar werni pethak niku kathah wonten ing pantai 'selatan' Jawa, ing antawisipun ing Srandhakan (Bantul), Bugel saha Congot (Kulon Praga), saha Pantai Ambal (Kebumen). Ugi wonten tlatah Brebes, wonten kanan kering pategilan brambang nanging mboten kathah.

 src=
Godhong, kembang lan woh
 src=
Jinis kembang pethak
 src=
Woh
ترخيص
cc-by-sa-3.0
حقوق النشر
Penulis lan editor Wikipedia
النص الأصلي
زيارة المصدر
موقع الشريك
wikipedia emerging languages