Cucumis melo L.

Melon (frå gresk melopepon, 'epleliknande graskar') kan visa til den søte frukta til ein plante i graskarfamilien, eller til sjølve planten. Det er hovudsakleg ulike varietetar frå arten Cucumis melo som blir kalla melon eller sukkermelon, medan frukt frå Citrullus vulgaris blir kalla vassmelon. Melonar er runde, nokså store frukter med gult eller grønt skal som kan ha ulike mønster. Fruktkjøtet er mildt og saftig og kan vera gult, grønt eller raudleg.

Melon er ein gammal kulturplante som stammar frå India. I kaldare klima kan han dyrkast i veksthus.

Botanisk illustrasjon av melonplante og melon.

Typar

• Honningmelon er rund eller oval med knallgult, glatt skal med langsgåande furer. Fruktkjøtet er grønaktig til kremfarga.
• Piel de Sapo, eller «froskeskinnsmelon», er ein oval type honningmelon med knudrete, mørkt skal i grønt og svart.
• Orange Flesh er heilt rund med glatt, guloransje skal. Fruktkjøtet er lyst oransje.
• Galiamelon er liten og rund med gulgrønt til oransje skal med antydning til nettmønster. Fruktkjøtet er fast og lyst grønt. Namnet «galiamelon» kjem frå den israelske kibbutzen der sorten blei dyrka fram.
• Charentaismelon er rund med glatt, lyst grønt skal med langsgåande striper. Fruktkjøttet er mjukt og lyst oransje.
• Kantalupp(melon) er liten og kulerund med lyst grått til gulgrønt skal som er stripa og nettmønstra. Fruktkjøtet er mjukt og lyst oransje. Namnet «kantalupp» kjem via fransk cantaloupe frå italiensk cantalupo etter slottet Cantalupo i Ancona, der dei første av desse melonane blei dyrka.
• Nettmelon er stor og rund med eit nettverk av opphøgde lister på det lyst gule til brune skalet. Fruktkjøtet er gult og saftig.
• Ogenmelon er ei kryssing mellom kantalupp og nettmelon med gulgrønt skal og langsgåande, mørkare striper. Fruktkjøtet er lyst grønt, smaker ananasaktig og har liten frøkjerne.

Biletdøme

• Honningmelon

• Piel de Sapo

• Galiamelon

• Charentaismelon

• Kantalupp

Kjelder

Bakgrunnsstoff

Wikimedia Commons har multimedia som gjeld: Melon

Melon er en art i agurkslekta. Den ble først kultivert for mer enn 4000 år siden, i Persia og Afrika. Det finnes mange varieteter.

Se også

• Vannmelon

Eksterne lenker

• (sv) Melon hos Dyntaxa
• (en) Melon i Encyclopedia of Life
• (en) Melon i Global Biodiversity Information Facility
• (en) Melon hos NCBI
• (en) Melon hos ITIS
• (en) Melon hos Tropicos
• (en) Melon hos The International Plant Names Index
• (en) Kategori:Cucumis melo – bilder, video eller lyd på Wikimedia Commons
• (en) Cucumis melo – galleri av bilder, video eller lyd på Wikimedia Commons
• Cucumis melo – detaljert informasjon på Wikispecies

Denne botanikkrelaterte artikkelen er foreløpig kort eller mangelfull, og du kan hjelpe Wikipedia ved å utvide den.
Det finnes mer utfyllende artikkel/artikler på .