Broom

Chošćowc^[2][3] (Cytisus scoparius, syn.: Spartium scoparium L., Genista scoparia (L.) Lam.; Sarothamnus scoparius (L.) Wimm. ex W.D.J. Koch) je rostlina ze swójby łušćinowcow (Fabaceae).

Wopis

Chošćowc je w lěću zeleny kerk, docpěje wysokosć wot 1 hač do 2 m. Jeho hałuzy su hranite, prutojte a zwjetša zrunane. Młode hałuzy su tróšku židźane kosmate, pozdźišo nahe.

Łopjena

Měnjate łopjena su třiličbnje pjerite. Łopješka su owalno-lancetojte, přilěhawje kosmate a docpěja dołhosć wot něhdźe 1 cm.

Kćenja

Wón kćěje wot meje hač do junija (julija). Kćenja su złotožołte, steja na 1 cm dołhich stołpikach po jednym abo po dwěmaj w łopjenowych rozporach a docpěja dołhosć wot hač do 2,5 cm. Jich kćenjowe łopješka su 4 cm dołhe, płone, na kromje kosmate, hewak nahe. Próškowe łopješka su kaž časnikowe pjera zakulene.

Płody

Płody su wopłonjene łušćiny, kotrež docpěja dołhosć wot hač do 5 cm. Jeli zrałe su čorne.

Stejnišćo

Wón rosće na holach, lěsowych zahonach, pod kerčinami a na nadróžnych kromach. Nimo toho wón so wostaji wapno.

Rozšěrjenje

Chošćowc je w zapadnej, južnej a srjedźnej Europje rozšěrjeny. We wuchodźe a sewjerje su rědki, dokelž wón ma mału twjerdosć přećiwo mrózej.

Wužiwanje

Prjedy jeho hałuzy buchu za wjazanje chošćow wužiwane.

Wobrazy

• Kćenjowe pupki, wotewrjene kwěty a młode płody krótko po wopłodźenju

• Chošćowc na eksponowanej ekstensiwnej pastwje

• Ilustracija

• Kwěty

• Kwěty

Nóžki

1. ↑ W internetowym słowniku: Geißklee
2. ↑ ^{2,0 2,1} Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 164.
3. ↑ ^{3,0 3,1} W internetowym słowniku: Besenginster

Žórła

• GU Naturführer Blumen, ISBN 3-7742-1507-3, strona 54 (němsce)
• Steinbachs Großer Pflanzenführer, ISBN 978-3-8001-7567-3, strona 320 (němsce)
• Kral, Jurij: Serbsko-němski słownik hornjołužiskeje rěče. Maćica serbska, Budyšin (1927)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)
• Völkel, Pawoł: Hornjoserbsko-němski słownik, Ludowe nakładnistwo Domowina, Budyšin (1981)

Eksterne wotkazy

Hlej wotpowědne dataje we Wikimedia Commons:
Chošćowc

• Chošćowc. W: FloraWeb.de. (němsce)

Tutón nastawk je hišće zarodk wo botanice. Móžeš pomhać jón dale redigować. K tomu stłóč na «wobdźěłać».

Jeli eksistuje w druhej rěči hižo bóle wuwity nastawk ze samsnej temu, potom přełožuj a dodawaj z njeho.

---

Jeli nastawk ma wjace hač jedyn njedostatk, wužiwaj prošu předłohu {{Předźěłuj}}. Nimo toho so awtomatisce kategorija Kategorija:Zarodk wo botanice doda.