Kronkėns, kronkis, joudvarnis (luotīnėškā: Corvus corax, onglėškā: Common Raven, pranc. Grand Corbeau, vuokīškā: Kolkrabe, rosėškā: Ворон) īr dėdluoks, jouds paukštis, katros muokslėškā prėgol prī varnėniu (Corvidae) šeimuos.
Kronkėns ī geruokā dėdlesnis kāp varna. Ciels anou kūns jouds ī. Snaps ė kuojės tēpuogi joudas. Kūna ėlgoms ī 54-69 cm, sonkoms 1100–1560 g.
Kronkėns Lietovuo given nūlatuos. Ėsėkor nedėdlies medies, ožvis labiausē miegst pošīnus. Given puoruo. Top ont mediu vėršūniu, vėsuokiu basliū.
Kėni praded krautė jau vasari. Tamė patiam kėnie perėn kelet metu ėš eilies. Ded paprastā 5 šmuotoutus kiaušius. Perėn patalė 20-23 dėinū.
Kronkėnā paprastā given 10-15 metū (retsīkēs lėgė 40 m.).
Kronkėns jied kėtus paukštius, anūm jaunėkius, mažus žvieralius, jied dviesenėna.
Kronkėns, kronkis, joudvarnis (luotīnėškā: Corvus corax, onglėškā: Common Raven, pranc. Grand Corbeau, vuokīškā: Kolkrabe, rosėškā: Ворон) īr dėdluoks, jouds paukštis, katros muokslėškā prėgol prī varnėniu (Corvidae) šeimuos.
