Sanguisorbe Officinale

Wulki wohenčk (Sanguisorba officinalis) je rostlina ze swójby róžowych rostlinow. Dalše serbske ludowe mjeno je zymne wohnjowe zelo.

Wopis

Wulki wohenčk je trajne zelo, kotrež docpěwa wysokosć wot 30 hač 150 cm.

Łopjena

Łopjena su njeporowje pjerite, a wobsteja z tři hač sydom porow bočnych pjerow, kotrež su stołpikate, wutrobo-jejkojte, docpěwaja dołhosć wot 2 hač 5 cm, su hrubje zubate, na hornim boku trawuzelene a na delnim boku šěrozelene.

Kćenja

Kćěje wot junija hač septembra. Małke, ćmowočerwjene kćenja steja w nakónčnych kćenjowych hłójčkach, kotrež su kulowate abo jejkojte a docpěwaja dołhosć wot 1 hač 3 cm. Maja štyri keluškowe łopješka. Króna faluje. Stameny su štyri tak dołhe kaž čerwjenobruny keluch.

Rostlina na rozdźěl wot Sanguisorba minor wot insektow jako wopróšowarjo přiwabjuje.

Stejnišćo

Rosće na włóžnych łukach, łuhojtych a hórskich łukach.

Rozšěrjenje

Rostlina je w nimale cyłej Europje rozšěrjena, sewjernje hač južneje Norwegskeje, južnje hač srjedźneje Španiskeje, Kalabriskeje.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 560.
2. ↑ W internetowym słowniku: Wiesenknopf

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008 strona 252 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 24 (němsce)

Eksterne wotkazy

Hlej wotpowědne dataje we Wikimedia Commons:
Wulki wohenčk