نعناع مائي

Wódna mjetlička (Mentha aquatica) je rostlina ze swójby cycawkowych rostlinow (Lamiaceae). Dalše serbske mjeno je rólnik.

Kwětnistwo

Wopis

Wódna mjetlička je trajne zelo, kotrež docpěwa wysokosć wot 20 hač 80 cm. Rostlina aromatisce wonja.

Łopjena

Łopjena su owalne a maja hrube, doprědka měrjene zubki.

Kćenja

Kćěje wot julija hač oktobra. Róžojte abo lila kćenja docpěwaja dołhosć wot 5 hač 7 mm a steja w jednej hač tři kćenjowej mutličce na kóncu stołpika. Keluch je runostajnje pjećzubaty.

Stejnišćo

Rosće na brjohach, hrjebjach, w sćinach, na mokrych łukach a łuhojtych łukach. Preferuje bazowe a wutkate, stuchło-humozne pódy na słónčnych hač połchłódkojtych stejnišćach.

Rozšěrjenje

Rostlina w Europje rozšěrjena.

Wužiwanje

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1stronje 262 a 260.
2. ↑ W internetowym słowniku: Minze

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, stronje 260, 326 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 28 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkazy

Hlej wotpowědne dataje we Wikimedia Commons:
Wódna mjetlička