ذعرة الربيع

Aderyn a rhywogaeth o adar yw Siglen felen (sy'n enw benywaidd; enw lluosog: siglennod melynion) a adnabyddir hefyd gyda'i enw gwyddonol Motacilla flava; yr enw Saesneg arno yw Yellow wagtail. Mae'n perthyn i deulu'r Siglennod (Lladin: Motacillidae) sydd yn urdd y Passeriformes.^[1] Dyma aderyn sydd i'w gael yng ngwledydd Prydain, ond nid yng Nghymru.

Talfyrir yr enw Lladin yn aml yn M. flava, sef enw'r rhywogaeth.^[2]

Yn y rhannau lle mae'r gaeafau'n oer mae'r Siglen Felen yn aderyn mudol, sy'n mudo o Affrica a de Asia i aeafu. Yng ngorllewin Ewrop nid yw'n symud ymhell. Mae'n aderyn o 15 – 16 cm o hyd, gyda chynffon sy'n fyrrach na'r siglennod eraill a geir yn Ewrop, er enghraifft y Siglen Lwyd. Ceir cryn amrywiaeth yn yr is-rywogaethau, yn enwedig yn lliw y pen, ond yn gyffredionol mae'r aderyn yn wyrdd-frown ar y cefn ac yn felyn ar y bol.

Is-rywogaethau

• M. f. flava - de Llychlyn hyd Ffrainc a mynyddoedd canolbarth Ewrop hyd fynyddoedd Ural
• M. f. flavissima - Prydain ac arfordir gogleddol Ffrainc
• M. f. thunbergi - canolbarth a gogledd Llychlyn hyd ogledd-orllewin Siberia
• M. f. iberiae - Penrhyn Iberia, de-ddwyrain Ffrainc, y Maghreb o Tiwnisia hyd Banc d'Arguin
• M. f. cinereocapilla - Yr Eidal, Slofenia
• M. f. pygmaea - Yr Aifft ger rhannau isaf afon Nîl
• M. f. feldegg - Y Balcanau hyd Fôr Caspia, Twrci, Iran ac Affganistan
• M. f. lutea - rhan isaf dyffryn afon Volga hyd afon Irtysh a Llyn Zaysan. *M. f. beema - i'r gogledd o lutea ac i'r dwyrain hyd Ladakh
• M. f. melanogrisea - delta afon Volga, ardal Môr hyd ogledd Affganistan
• M. f. plexa - Siberia rhwng afon Khatanga ac afon Kolyma
• M. f. tschutschensis - o gwmpas Culfor Bering hyd ogledd-orllewin Canada
• M. f. angarensis - de Siberia hyd ogledd Mongolia
• M. f. leucocephala - gogledd-orllewin Mongolia a rhannau cyfaos a Tsieina a Rwsia
• M. f. taivana - rhwng plexa a tschutschensis hyd ogledd Hokkaidō
• M. f. macronyx - de-ddwyrain Transbaikalia hyd Manchuria
• M. f. simillima - Kamchatka ac ynysoedd Môr Bering

Ar un adeg roedd y M. f. flavissima yn aderyn gweddol gyffredin yng Nghymru, yn enwedig yn y dwyrain, ond bellach ychydig sy'n nythu yma. Gwelir nifer o'r is-rywogaethau eraill o dro i dro yn ystod y tymor mudo, yn enwedig M. f. flava (Siglen Benlas).

Teulu

Mae'r siglen felen yn perthyn i deulu'r Siglennod (Lladin: Motacillidae). Dyma rai o aelodau eraill y teulu:

Rhestr Wicidata:

rhywogaeth enw tacson delwedd Aderyn hirewin Sharpe Hemimacronyx sharpei Corhedydd euraid Tmetothylacus tenellus Corhedydd gyddfgoch Anthus cervinus Corhedydd melyn Anthus campestris Corhedydd y coed Anthus trivialis Corhedydd y dŵr Anthus spinoletta Corhedydd y waun Anthus pratensis Siglen felen Motacilla flava Siglen goedwig Dendronanthus indicus Siglen Lwyd Motacilla cinerea Siglen sitraidd Motacilla citreola Siglen wen Motacilla alba Telor hirbig Bocage Amaurocichla bocagii

Gweler hefyd

• Rhestr Goch yr IUCN

Cyfeiriadau