موظ

Alko (familio Cervidae, subfamilio Capreolinae) esas maxim granda (800 kg) sovaja ruminero (mamifero). Ol esas granda unglala animalo, qua vivas en la nordala misfero.

Korni di alko

Alkoyuni naskas dum printempo, e la korni komencas kreskar por yunuli ja dum la sequanta autuno. En la komenco la korni esas nur divertikuli kovrita da pelo. Dum sequanta printempo, kande la alkoyunulo evas un yaro, la korni esas kom pivoti, e li falas dum la vintro.

Alkulo faligas sua korni omnavintre dum januaro o februaro e developas le nova pos la faligo. La korni di alko esas sive forkatra, sive shovelatra. La kreskanta korni demandas tre multa nutrivo, precipue natro, qua existas en aquo-planti. La pezo di korni povas kreskar mem 100 g po dio. La falinta korni esas bonega nutrivo por roderi.

Se l'alko ganas suficante nutrivo, la korno formacas omnayare un brancheto. Se l'alko trovas kelka nutrivo, yarala brancheto ne naskas. Do la nombro di branchi en l'alkala korni ne exakte rakontas pri l'evo di alko. La korni esas maxim granda, kande alko evas 8 til 10 yari. Pose la korni restas omnayare plu mikra, e c. 20 evanta alko portas ankore nur pivoti o nulo sur sua kapo.