Ang mga layang-layang, layang-layangan, langay-langayan, himpapalis at martin (Ingles: swallow, martin, at swift)[1][2] ay ang alin man sa isang pangkat na maliliit at may mahahabang mga pakpak na mga ibong matatagpuan sa maraming mga bahagi ng mundo. Kilala sila sa kanilang gawi sa humahagibis o sumisibasib ngunit mayumi ang indayog na paglipad. Umaabot o lumalagpas ang haba ng kanilang mahahabang mga pakpak, kapag nakasara, sa kanilang nagsasangang mga buntot. Maliliit ang kanilang mga paang dinisenyo para sa pagtuntong at pagdapo. Karaniwan silang lumilipad na magkakasama sa isang langkay tuwing araw. May ilang mga uri na nakagawiang manirahan o mamugad sa mga bahay ng tao at kamalig na imbakan ng mga palay, katulad ng mga Petrochelidon pyrrhonota (mga Layang-layang ng bangin o ng barangka, o Cliff swallow) at mga Hirundo rustica (mga Layang-layang ng kamalig , o Barn swallow).[3] Partikular na tinatawag bilang layanglayang, langaylangayan, o golondrina (Philippine swallow) ang mga layang-layang ng Pilipinas.[2]
Ang mga layang-layang, layang-layangan, langay-langayan, himpapalis at martin (Ingles: swallow, martin, at swift) ay ang alin man sa isang pangkat na maliliit at may mahahabang mga pakpak na mga ibong matatagpuan sa maraming mga bahagi ng mundo. Kilala sila sa kanilang gawi sa humahagibis o sumisibasib ngunit mayumi ang indayog na paglipad. Umaabot o lumalagpas ang haba ng kanilang mahahabang mga pakpak, kapag nakasara, sa kanilang nagsasangang mga buntot. Maliliit ang kanilang mga paang dinisenyo para sa pagtuntong at pagdapo. Karaniwan silang lumilipad na magkakasama sa isang langkay tuwing araw. May ilang mga uri na nakagawiang manirahan o mamugad sa mga bahay ng tao at kamalig na imbakan ng mga palay, katulad ng mga Petrochelidon pyrrhonota (mga Layang-layang ng bangin o ng barangka, o Cliff swallow) at mga Hirundo rustica (mga Layang-layang ng kamalig , o Barn swallow). Partikular na tinatawag bilang layanglayang, langaylangayan, o golondrina (Philippine swallow) ang mga layang-layang ng Pilipinas.
