Phasianus colchicus Linnaeus 1758

Faisaia (Phasianus colchicus) phasianidae familiako hegaztia da^[1].

Errusian jatorria duen hegazti hau mundu osora zabaldu da ehizarako^[2].

Faisai arrunta ere deitu ohi zaio. 80 cm inguru izaten da luze. Buruko eta lepoko lumak berdeak ditu, distira urdinxkakoak; begi ingurua lumagabea eta kolore gorrikoa du. Berez, Kaspiar Itsasoko inguruetako eta Asiako mendebaleko lurraldeetakoa da. Fasi izeneko ibaiaren ertzetan (gaurko Georgiako mendebalean), aurkitu zuten grekoek, eta handik Greziara eta Europara zabaldu zuten. Belar edo ihi luzea dagoen leku bakartietan egiten du habia, eta emea ez da arrautzen gainetik altxatzen oso hurbileko arriskurik ez bada. Sukaldaritzan txit aintzat hartua da

Azpiespezie

Faisaiak 30 azpiespezie inguru ditu, bost multzotan banatuta. Hona hemen multzoak mendebaldetik ekialdera

• Phasianus colchicus colchicus, Kaukasotik mendebaldeko Turkestanera hedatua.
• Phasianus colchicus chrysomelas/principalis, erdialdeko Turkestanen hedatua.
• Phasianus colchicus mongolicus, ipar-ekialdeko Turkestanen eta Mongolian hedatua.
• Phasianus colchicus tarimensis, Tarim ibaiaren arroan hedatua.
• Phasianus colchicus torquatus, Txinan, iparraldeko Vietnamen eta Taiwanen hedatua.

Erreferentziak