nomes no trilho de navegação
Adiantum é un xénero de fentos da familia das Adiantáceas caracterizado pola presenza de follas basais (follas que saen na parte baixa da planta preto do chan), pecioladas, glabras e divididas en pinnas flabeladas. Ten como representante á especie: capilaria (Adiantum capillus-veneris), a única do xénero presente en Galiza.
Trátase de herbas perennes, con rizoma longo e rastreiro, de reprodución por soros situados no envés das pinnas terminais das follas, cubertas por estas a xeito de pseudoindusio, que habita en paredes rochosas de fontes e lugares húmidos e avesedos.
A capilaria ou cabelo de venus (Adiantum capillus-veneris) posúe actividade analxésica e antitusíxena. Emprégase abundantemente na España Mediterránea como menciña moi específica.[1]
O xénero foi descrito por Carl von Linné e publicado en Species Plantarum 2: 1094. 1753.[2][3]
Adiantum: nome xenérico que provén do grego antigo, que significa "non mollar", en referencia ás follas, pola súa capacidade de tirar a auga sen se mollaren.
Adiantum é un xénero de fentos da familia das Adiantáceas caracterizado pola presenza de follas basais (follas que saen na parte baixa da planta preto do chan), pecioladas, glabras e divididas en pinnas flabeladas. Ten como representante á especie: capilaria (Adiantum capillus-veneris), a única do xénero presente en Galiza.
