Homo (latiensch för: Minsch) is dat Geslecht vun de Minschenordigen, dat an'n meisten entwickelt is. De verscheden Aarden vun düt Geslecht höört to den Tribus vun de Hominini. De moderne Minsch (Homo sapiens) is de eenzigste Aart vun dat Geslecht Homo, de hüdigendags noch leven deit. All annern Aarden sünd utstorven. Dat is nich jummers slank mööglich, bi Fossilien en Unnerscheed to maken twuschen Liddmaten vun düt Geslecht un annere Geslechter, de ok to de Hominini, man nich to de Minschen rekent weern könnt. Faken warrt dor de Bruuk vun Steenwarktüüch (Pebble Tools) bi togrunne leggt. Fundstücken, de in'n Tosamenhang bröcht weert mit Steenwarktüüch, weert denn mank de Minschen rekent. De annern weert denn ehr as Australopithecina ankeken. Dat Minschweern in'n Loop vun de Millionen vun Johren warrt as „Hominisatschoon“ betekent.
Sunnerlich fallt up, dat sik mit de Stammgeschicht vun dat Geslecht Homo de Grött vun den Brägen bannig ännert hett. Binnen twee Millionen Johren is dat bi dreemol so groot wurrn, as dat toeerst weer.
Bi de dünn druckten Aarden gifft dat noch allerhand Diskusschoon över de Fraag, of sik dat dor överhaupt um egen Aarden bi hanneln deit.
Aart hett wonnehr leevt (vör Millionen Johren) hett wo leevt Wie groot weer he utwussen (cm) Gewicht utwussen(kg) Brägenvolumen (cm³) Wat funnen wurrn is Updeckt / Naam bekannt maakt Homo habilis 2,5–1,5 Afrika 100–150 30–55 600 veel 1960/1964 Homo rudolfensis 1,9 Kenia 750 1 Schädel 1972/1986 Homo georgicus 1,8–1,6 Georgien 150 600-680 minn 1999/2002 Homo ergaster 1,9–1,25 Oost- un Süüdafrika 180 700–850 veel 1975 Homo erectus 2(1,25)–0,3 Afrika, Eurasien (Java, China, Kaukasus) 180 60 900–1100 veel 1891/1892 Homo cepranensis 0,8? Italien 1200 1 Brägenpann 1994/2003 Homo antecessor 0,8–0,35 Spanien, England 175 90 1000 3 Stäen 1997 Homo heidelbergensis 0,6–0,25 Europa, Afrika, China 180 60 1100–1400 veel 1908 Neanderdaler 0,23–0,03 Europa, Westasien 160 55–70 (stevig) 1200-1700 veel (1829)/1864 Homo rhodesiensis 0,3–0,12 Sambia 1300 heel minn 1921 Gawisschädel 0,5–0,25? Äthiopien 1 Schädel 2006 Homo sapiens 0,25–hüdigendags in de ganze Welt 140–190 55–80 1000–1850 leeft jummers noch —/1758 Homo sapiens idaltu 0,16 Äthiopien 1450 3 Schädels 1997/2003 Homo floresiensis 0,10–0,012 Indonesien 100 25 400 7 Individuen 2003/2004Bi Homo habilis sünd sik de Forschers noch nich eenig wurrn, of he mank de Minschen, oder beter mank de Australopithecina rekent weern mutt. Twuschen US-amerikaansche un europääsche Wetenschopplers gifft dat towielen Striet över de Fraag, of dat nu noch Unnerarden to den Homo sapiens geven deit.
. Mehr Biller, Videos oder Audiodateien to’t Thema gifft dat bi Wikimedia Commons. Homo (latiensch för: Minsch) is dat Geslecht vun de Minschenordigen, dat an'n meisten entwickelt is. De verscheden Aarden vun düt Geslecht höört to den Tribus vun de Hominini. De moderne Minsch (Homo sapiens) is de eenzigste Aart vun dat Geslecht Homo, de hüdigendags noch leven deit. All annern Aarden sünd utstorven. Dat is nich jummers slank mööglich, bi Fossilien en Unnerscheed to maken twuschen Liddmaten vun düt Geslecht un annere Geslechter, de ok to de Hominini, man nich to de Minschen rekent weern könnt. Faken warrt dor de Bruuk vun Steenwarktüüch (Pebble Tools) bi togrunne leggt. Fundstücken, de in'n Tosamenhang bröcht weert mit Steenwarktüüch, weert denn mank de Minschen rekent. De annern weert denn ehr as Australopithecina ankeken. Dat Minschweern in'n Loop vun de Millionen vun Johren warrt as „Hominisatschoon“ betekent.
