Haikarat

De reygers (Ardeidae) zyn e familie van veugels van d' orde pelikoanachtign (Pelecaniformes). Der bestoan 64 erkende soortn. De reygersoorte die 't meest te zien is in Vloandern is de blauwe reyger (Ardea cinerea).

Reygers zyn middelgroote toet groote veugels mè lange pootn en nekke. De kleenste soortn zyn de dwergreygers die 25 toet 30 cantimeter lank kommn en de grotste soorte is de reuzereyger (Ardea goliath), maximoal 152 cantimeter. On ze vliegn, wordt de nekke ingetrokkn en de pootn wordn noar achtern g'houdn.

Reygers zyn te viendn ip al de continentn, uutgezoenderd Antarctica. Bykan al de soortn wordn g'associeerd mè woater. 't Zyn woaterveugels die nie zwemmn, moar hunder eetn zoekn in meern, riviern, moerassn, vyvers en de zee.

Geslachtn

• Zonerodius (1 soorte: Zonerodius heliosylus, Nieuw-Guineesche tygerreyger)
• Tigriornis (1 soorte: Tigriornis leucolopha, Afrikoansche tygerreyger)
• Tigrisoma (3 soortn tygerreygers)
• Agamia (1 soorte: Agamia agami, agamireyger)
• Cochlearius (1 soorte: Cochlearius cochlearius, lepelbekreyger)
• Zebrilus (1 soorte: (Zebrilus undulatus, zigzagreyger)
• Botaurus (4 soortn roerdompn, woaroender Botaurus stellaris, geweune roerdomp)
• Ixobrychus (7 soortn dwergreygers)
• Dupetor (1 soorte: Dupetor flavicollis, zwarte dwergreyger)
• Gorsachius (4 soortn kwakkn)
• Nycticorax (2 soortn kwakkn, woaroender Nycticorax nycticorax, geweune kwak)
• Nyctanassa (1 soorte: Nyctanassa violacea, geelkroonkwak)
• Butorides (3 soortn kleene reygers woaroender Butorides striata, mangrovereyger)
• Ardeola (6 soortn ralreygers woaroender Ardeola ralloides, geweune ralreyger)
• Bubulcus (2 soortn veereygers)
• Ardea (13 soortn reygers woaroender Ardea cinerea, blauwe reyger)
• Pilherodius (1 soorte: Pilherodius pileatus, kapreyger)
• Syrigma (1 soorte: schuufelreyger)
• Egretta (13 soortn zilverreygers)