Ristisorsa

Tekst üüb Öömrang

At baragan^[1] (Tadorna tadorna) as en fögel an hiart tu at onerfamile Tadorninae, det ment "hualewges". So üs bi a ges sä mantje an wiifke bal likedenang ütj. Bi anen as det normoolerwiis ööders, det an as miast brün an di wörd bruket.

Bilen

• En "jongensguard".

• Baraganen schük wat tu freeden.

• Aier faan Tadorna tadorna - MHNT.

Nöömer

Föörkemen

Baraganen bräät bi a küst an üüb eilunen uun a Nuurd- an Uastsia, oober uk uun't banlun. Diar sjük's kaninhööl an ööder steeden, huar's jo fersteeg kön.

Uun a geerels kön baraganen sjauer weg loong ei flä. Sodenang kem grat sköölen tu Mellumsun of Trischen. Diar auerwontre's uk, so loong diar nään snä an is leit. Ööders waanre's widjer am a süüd tu Frankrik of Portugal.

Ütjsen

Baraganen wurd 58 bit 67 cm grat, hör jügen spään 110 bit 133 cm. Diarbi san a mantjin en betj grater üs a wiifkin. Jo weeg tesken 830 an 1500 g, uun't madel san't 1,180 kg. A wiifkin san aal wat smääler an lachter.

Futnuuten

1. ↑ Ei ferwaksle mä't beragan

Ferwisang efter bütjen

Didiar artiikel as uun det list faan gud artiikler, diar det leesen luane apnimen wurden. Uun uugenblak jaft at diar 70 faan.