nimet breadcrumb-navigoinnissa
L' epiceya ou sapén ordinaire, c' est l' åbe sapinrece li pus corant el Walonreye.
On l' lome sovint sapén mins sapén eyet epiceya ni sont nén do minme djinre botanike.
No do djinre e sincieus latén : Picea sp..
Il a stî planté bråmint al fén do 19inme sieke, kimince do 20inme sieke so les hés, les trîxhes et po-z assouwer les fagnes.
I n' leye cåzu pont d' plante crexhe dizo lu. Ça pout fé des rujhes dins des plaeces pol nateure come les troufreyes oudonbén les brouwires, ewou ç' k' on saye di les oister.
El Walonreye, on nel pout planter ki dins les aires di bwès. Mins end a k' è plantèt dins les tchamps, tot djhant k' c' est po des sapéns d' Noyé.
On trouve tot costé e Walonreye li comon epiceya (Picea abies).
Des côps, on a ossu planté l' epiceya di Sitka (Picea sitchensis).
Si bwès est foirt eployî e mnujhreye, po les bassès ovraedjes, et po fé des måjhons d' bwès.
Li "pichpin", c' est ene sôre impôrtêye, pus blanke, k' esteut foirt al môde dins les anêyes 1970.
On pout aler ramasser ås carotes di sapén po-z esprinde li feu.
Onk des scolites: scolite di l' epiceya (Ips typographus).
L' epiceya ou sapén ordinaire, c' est l' åbe sapinrece li pus corant el Walonreye.
On l' lome sovint sapén mins sapén eyet epiceya ni sont nén do minme djinre botanike.
No do djinre e sincieus latén : Picea sp..
