أنقولية شائعة

Wšedna akelaja (Aquilegia vulgaris) jo rostlina ze swójźby górkacowych rostlinow (Ranunculaceae).

Aquilegia vulgaris

Wopis

Wšedna akelaja jo trajne zele, kótarež dośěgnjo wusokosć wót 40 až do 80 cm.

Kijašk jo rowny a wjelgin roznogaśowany.

Łopjena

Łopjena su měnjate, dwójce tśilicbne a wobstoje z wogonkatych łopjeńkow. Wóni su cesto módrozelene. Spódne łopjena su dłujko wogonkate, mjaztym górne su sejźece.

Kwiśonki

Kwiśo wót maja až do julija. Nygajuce kwiśonki su módrowioletne, rědko rožojte abo běłe. Wóni wobstoje z pěś wótstojecych a pěś titkojtych, dłujko wótšogatych łopjeńkow a dośěgnu dłujkosć wót 3 až 5 cm. Jich proškowe łopjeńka jano mało wuseguju.

Płody

Płody su rowne a pěśdźělne.

Stojnišćo

Rosćo w swětłych listowych lěsach, w kerčinach, na kšomach žywych płotow a na łukach.

Rozšyrjenje

Rostlina jo w pśisamem cełej Europje rozšyrjona.

Wužywanje

Pódobna družyna

• Aquilegia atrata (śamna akelaja) ma brunowioletne kwiśonki. Jogo proškowe łopjeńka su dlejše.

Nožki

1. ↑ W internetowem słowniku: Akelei

Žrědła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, bok 280 (nim.)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, bok 220 (nim.)