الأسماء في صفحات التنقل
Eschscholzia californica
La rosèla de Califòrnia (Eschscholzia californica) es una espècia de plantas dicotiledònas de la familha de las Papaveraceae. Es una planta originària de Califòrnia e del sud-oèst dels Estats Units ont cobrís de vastas estendudas a proximitat dels bòsques de sequòias. Gràcia als alcaloïdes de las proprietats somnifèras que conten e a son abséncia d'acostumança[1],[2],[3],[4], la rosèla de Califòrnia es utilizada coma una alternativa doça als somnifèrs de tipe barbiturics, benzodiazepinas e antiistaminics H1 de primièra generacion[5].
D'una nautor de 30-60 cm, ten una raiç axonomorfa, una camba erbacèa languida a la debuta e quilhada posteriorament, amb un color verd blavós. Presenta de fuèlhas verdas, glaucas, finament pubescentas o lisas e fermament devesidas, amb de tonalitats blavas. Sen ermafroditas amb la flor dispausada solitària amb un larg pecol de color jauna iranjat (pus rarament blanc). La flor a una forma de copa de 2 a 4 cm de diàmetre, conten 4 sepals fusionats, 4 petals crenats e un ovari super. La flor tanben es constituïda per fòrça estaminas e un ginecèu pluricarpellar amb un sol estigmat fin. Lo fruit es una capsula de fins a 8 cm de larg, glabra amb de granas globulosas, reticuladas o puntejadas.
Rosèla de Califòrnia
(en): California Poppy, golden poppy (rosèla daurat), California sunlight (lum solar de Califòrnia), cup of gold (tassa d'aur)
Eschscholzia californica
La rosèla de Califòrnia (Eschscholzia californica) es una espècia de plantas dicotiledònas de la familha de las Papaveraceae. Es una planta originària de Califòrnia e del sud-oèst dels Estats Units ont cobrís de vastas estendudas a proximitat dels bòsques de sequòias. Gràcia als alcaloïdes de las proprietats somnifèras que conten e a son abséncia d'acostumança,,,, la rosèla de Califòrnia es utilizada coma una alternativa doça als somnifèrs de tipe barbiturics, benzodiazepinas e antiistaminics H1 de primièra generacion.
