الطرخين

Xabiroi Trakinidoen familia osatzen duten bederatzi arrain osteiktieen izen arrunta da.

Ezaugarriak

Gorputz luzarana, alboetatik zapala eta garaia dute, eta beheko matelezurra gora itzulia. Bizkarrean bi hegal dituzte: aurrekoa, garai samarra eta arantza pozoidunekikoa; atzekoa, berriz, apala baina bular-paretik isatseraino luzatzen dena, eta sabelekoa ere oso luzea. Arrainak eta izkirak jaten dituzte batez ere. Ozeano Atlantikoko ekialdeko bazterretan eta Mediterraneoan bizi dira.^[1]

Hondo hareatsuetan bizi dira eta aurreko bizkar-hegatsean ezten pozoitsuak dituzte^[2]. Gastronomian preziatuak dira oso eta zenbait errezeten oinarri nagusia dira, adibidez bouillabaisserena.

Izena

Xabiroiak saburdin izenaz ere ezagutzen dira. Bizkaian, gainera, salbario eta salbeu diete.^[3]

Espezieak

Bederatzi espezieak bi generotan banatzen dira:

• Echiichthys generoa
  • Xabiroi txikia, Echiichthys vipera (Cuvier, 1829).
• Trachinus generoa
  • Xabiroi arrunta, Trachinus araneus Cuvier, 1829.
  • Trachinus armatus Bleeker, 1861.
  • Trachinus collignoni Roux, 1957.
  • Trachinus cornutus Guichenot, 1848.
  • Xabiroi zuria, Trachinus draco Linnaeus, 1758.
  • Trachinus lineolatus Fischer, 1885.
  • Trachinus pellegrini Cadenat, 1937.
  • Trachinus radiatus Cuvier, 1829.

Banaketa

Erreferentziak