قبرة متوجة

Бүрекле һабан турғайы (рус. хохлатый жавронок, лат. Galerida cristata) — һабантурғайҙар ырыуындағы ҡош.

Ҡылыҡһырлама

Турғайҙан бер аҙ ҙурыраҡ. Күмәкләшеп ерҙә йөрөйҙәр. Башлыса ерҙә һайрай. Башында ослайып бөткән ҙур ғына көрән бүрке бар. Һырт яғы һорғолт көрән, аҡ һәм ҡара таптар менән сыбарланған. Түше көрән төртөклө һорғолт ерән, ҡорһағы аҡ. Ҡойроғоноң ике яғынан аҡ һыҙыҡ үтә. һабан турғайынан ҙур бүрке менән айырыла.

Тауышы

Тауышы көйлө, яғымлы ғына: «ири-тири-рриә» һәм тоноҡ: «жүйт». Һайрауы һабан турғайының һайрауына оҡшаған. Тик бик яңғырауыҡлы түгел.

Йәшәү рәүеше

Ауыл тирәһендәге асыҡ. урындарҙа йәшәй. Бөжәктәр, үлән орлоҡтары менән туҡлана. Ултыраҡ ҡош. һирәк осрай. Ерҙә оялай. Көрән тап¬лы 3—5 бөртөк һорғолт аҡ йомортҡа һала.

Галерея

Әҙәбиәт

• Э. Ф. Ишбирҙин. Башҡортостан ҡоштары китабы. Өфө,1986 йыл. ИБ № 3478 28.693.35 И 90
• Hans-Günther Bauer, Einhard Bezzel und Wolfgang Fiedler (Hrsg): Das Kompendium der Vögel Mitteleuropas: Alles über Biologie, Gefährdung und Schutz. Band 2: Passeriformes — Sperlingsvögel, Aula-Verlag Wiebelsheim, Wiesbaden 2005, ISBN 3-89104-648-0

Иҫкәрмәләр