蛇蜥

Pol discramiaedje des årtikes avou l' mot "scourlot", loukîz cial

On dzi ou colevrot ou scourlot^[1], c' est come ene pitite coloûte ki vike dizo les pires.

No d' l' indje e sincieus latén : Anguis fragilis

Sipårdaedje

Dins ene grande sitindêye di l' Urope. Nén e l' Nonne di l' Espagne ni del Grece; ni dins les iyes del Mîtrinne Mer ni d' l' Atlantike (mins end a e l' Inglutere).

Discrijhaedje

Coleur : brune

Les måyes sont 30 a 40 cm longs. Les frumeles muzurnut 50 cm.

Come les cwarpeces, si longowe cawe si skete åjheymint.

Vicaedje

Li colevrot hante les setchès plaeces, les fagnes, les paxhis, les djårdéns, les håyes, les bwès.

• dins on corti

• dins l' bwès

I passe l' ivier e s' metant a rcoe a pårti d' octôbe disk' al difén di fevrî.^[2]

I magne des lumçons, des viers et des insekes.

I n' a nou velin. Dabôrd, i n' såreut fé do må a ene djin, apus k' fé sogne ås schitåds.

• 
• i n' plèt må d' hagnî les djins

Rilomêye do lomaedje walon

Li nierveusté del biesse a dné s' no a ene marke di moto k' esteut montêye el Walonreye: li moto Guzzi.

Dins les spots di dmorants

Les Colevrots, c' est l' såvadje no des dmorants di Doûpe.

Sourdants

1. ↑ Ossu: boigne vier, cawé vier, colouvrea, colourdea, anweye di håye; po les accints, loukîz al notule ALW 8 97.
2. ↑ S. Quertinmont ancyinne waibe so les biesses.