哺乳動物是脊椎動物亞門下个一個綱，學名謳哺乳綱（Mammalia，來自拉丁文「mamma」，意思是「乳房」）。除脫6種頂頂原始个哺乳動物之外所有个哺乳動物儕是直接胎生个。乃朝全世界估計有得4000種橫裏哺乳動物，而人類是進化其中个一個分支。
最早个哺乳動物化石是垃中國發現个吳氏巨顱獸（Hadrocodium wui），佢生活垃2億年前个侏羅紀。從化石上來看，哺乳動物（尤其是早期个哺乳動物）搭爬行動物之間邪氣重要个區别垃拉佢拉个牙齒。爬行動物个每顆牙齒儕是同个，彼此嘸沒啥區别，而哺乳動物个牙齒按照佢拉垃頜上个弗同位置分化成功弗同个形態。此外爬行動物个牙齒會不斷更新，哺乳動物个牙齒除左乳牙外其他都弗再更新。垃動物界中就衹有哺乳動物个中耳內有三塊骨頭。科學家認爲是由爬行動物个兩塊附加顎骨進化而成个，貤成爲哺乳動物聽覺靈敏个地方。
到第三紀爲止所有哺乳動物儕是體型小个。垃恐龍絕種之後哺乳動物先佔據脫交關生態位置。到了第四紀哺乳動物先至成爲陸地上佔支配地位个動物。伊個辰光个哺乳動物可以分爲4種：
多峰齒類響3千萬年前个漸新世（Oligocene）就已經絕種，而其他个3科就存活到乃朝。
全世界个哺乳動物當中（以種來計）咾，嚙齒目佔脫一半，而另外差弗多有4分之1是翼手目。當中，也有交關多動物垃拉動物界个頂級位置，譬如長鼻目（象）就是乃朝陸地上頂頂大个動物，而鯨目个藍鯨更是有史以來最大型个動物（比恐龍重要大）。
哺乳動物是脊椎動物亞門下个一個綱，學名謳哺乳綱（Mammalia，來自拉丁文「mamma」，意思是「乳房」）。除脫6種頂頂原始个哺乳動物之外所有个哺乳動物儕是直接胎生个。乃朝全世界估計有得4000種橫裏哺乳動物，而人類是進化其中个一個分支。
