Schinus terebinthifolia Raddi

Schinus terebinthifolia (binomen a Iosepho Raddi anno 1820 sub forma S. terebinthifolius statutum) est frutex in Brasilia meridio-orientali, Argentina septentrionali et Paraguaia sponte florens, temporibus recentibus propter fructus parvos aromaticos culta.

Varietates

• Schinus terebinthifolia var. acutifolia Engl.
• Schinus terebinthifolia var. pohliana Engl.
• Schinus terebinthifolia var. raddiana Engl.
• Schinus terebinthifolia var. rhoifolia (Mart.) Engl. (=S. aroiera, S. rhoifolia)
• Schinus terebinthifolia var terebinthifolia

Fructuum usus

Fructus desiccati aut in fercula a coquis immittuntur, sed rarius, aut in mixturis condimentariis inferuntur. Apud Francicos misci solent grana quattuor coloribus varia, videlicet Piperis nigri immatura viridia, matura atra, matura expolita candida, S. terebinthifoliae rosea. Fructus duarum specierum in commercio aegre distinguuntur: qui ab insula Reunionis exportantur e specie S. terebinthifolia, a Turcia e specie S. molle proveniunt.^[1]

Fructus etiam usum pharmaceuticum habent, sicut et fructus speciei cognatae S. mollis. Apud pharmacologos "fructus Schini terebinthifolii" appellari solent.

Notae

Bibliographia

• Maria Conceição Carvalho da Silva, João Nakagawa, Márcia Balistiero Figliolia, "Influência da temperatura, da luz e do teor de água na germinação de sementes de Schinus terebinthifolius Raddi-Anacardiaceae (Aroeira-Vermelha)" in Revista do Instituto Florestal, São Paulo vol. 13 (2001) pp. 135-146
• Giuseppe Raddi in Memoria di Matematica e di Fisica della Società Italiana del Scienze Residente in Modena, Parte contenente le Memorie di Fisica vol. 18 fasc. 2 (1820) pp. 399–400

Nexus externi

Vide "Schinus terebinthifolia" apud Vicispecies. Situs scientifici: Tropicos • GRIN • ITIS • Plant List • NCBI • Biodiversity • Encyclopedia of Life • Plant Name Index • Fossilworks • Plantes d'Afrique • INPN France • USDA Plants Database

• "Schinus terebinthifolius Raddi" apud Instituto de Pesquisas e Estudos Florestais
• "Pepper Rosé (Schinus terebinthifolius Raddi and Sch. molle L.)" apud Gernot Katzer's Spice Pages
• "Schinus terebinthifolius" apud Floridata Plant Encyclopedia
• "Schinus terebintifolius Raddi" apud Arvores do bioma Cerrado