الأسماء في صفحات التنقل
Mae Telor y Cyrs (Acrocephalus scirpaceus) yn aelod o deulu'r Acrocephalidae sy'n nythu yn y rhan fwyaf o gyfandir Ewrop a rhannau o orllewin Asia. Mae'n aderyn mudol, yn treulio'r gaeaf yn Affrica.
Nid yw'n aderyn hawdd ei adnabod gan ei fod yn debyg iawn i Delor y Gwerni, gyda chefn brown a gwyn ar y bol. Mae'n edrych ychydig yn fwy brown na Thelor y Cyrs, sy'n aderyn mwy llwyd, ac mae pig Telor y Gwerni yn llai. Ceir yr aderyn yma yn nythu mewn cyrs Phragmites, lle mae'n dodwy 3-5 wy. Mae'n un o'r rhywogaethau y bydd y Gog yn dodwy ei wyau yn ei nyth.
Mae Telor y Cyrs yn aderyn gweddol gyffredin yng Nghymru lle ceir cyrs Phragmites.
