Kantarelo (Cantharellus cibarius) estas manĝebla fungo kun iomete pipra gusto.
La 3 – 10 cm larĝa ĉapelo de la kantarelo estas dum juneco konveksa, poste funelforma kun iometa enrulita rando. La koloro de la ĉapelo varias de blankeca ĝis ovoflava kaj eĉ oranĝa. La ovoflavaj dekuraj kvazaŭlamenoj je la subo de la ĉapelo estas neregule forkitaj kaj trairas al la stipo. La 3 – 8 cm longa stipo havas la saman koloron kiel la ĉapelo kaj fariĝas pli mallarĝa je la subo. La blanka karno havas la odoron de abrikotoj.
Kantarelo (Cantharellus cibarius) estas manĝebla fungo kun iomete pipra gusto.
