Al gril (Gryllidae, grillo in italiàṅ) 'l è 'n insèt urtótar ch'al viṿ in Európa, in Àśia e in Nòrd-Àfrica.
I grii i èṅ di insèt ch'i gh'aṅ al còrp piat, testa granda a fórma 'd bòcia e anténi sutìli, lunghi cuma 'l còrp. Al sò culōr al và da 'l nég'r a 'l maròṅ scûr.
Soquànti spéci i gh'aṅ dgl'ali tgnudi a ripòś lung al còrp; i masć i li sférgan par cantàr e far di arciàm a 'l fémni.
Al gril duméstic (Achetus domesticus) al miśùra 20mm e 'l è dal culōr dla nisōla cun dal righi négri 'd sōvar la tèsta e lung la pansa. Al fémni i fànan da 50 a 100 óṿ a la vòlta ch'i s vèran dòp dū o tri stmani. I grii i dvèntan pò grand in 8/12 stmani ma i mōran prèst in dal gir ad 2/3 méś.
I grii i s mōvan faghénd di salt par mèś di pē da drē ch'i èṅ più lungh ad chi àtar. Par scampàr i màgn'n al fój dal piànti, di àt'r insèt o dal sustànsi ch'i èṅ drē a marsìr.
Al gril (Gryllidae, grillo in italiàṅ) 'l è 'n insèt urtótar ch'al viṿ in Európa, in Àśia e in Nòrd-Àfrica.