El moraro o morer el xe na pianta ciamà Maulbeerbaum dai Todeschi, mulberry dai Inglexi e gelso dai Taljan. El nome sientifego xe Morus nigra o Morus alba. Ła fa parte deła fameja dełe Moraceae. I fruti (more) deła Morus nigra i xe rosi o nero-vioła, kuei deła Morus alba i xe bianchi. Tuti e do i xe boni da magnare.
Originaria deł'Axia, sta pianta ła xe rivà in Eoropa al tenpo dei Romani, anca se nel sinquexento ła ga vudo na pi grande difusion par via deł'ałevamento dei baki da seta (ciamà na volta Cavalieri). Difati i baki da seta i magna de gusto łe foje de moraro.
