Pinus cembra L.

Górska chójca^[3] (Pinus cembra) jo bom ze swójźby chójcowych rostlinow (Pinaceae).

Wopis

Górska chójca dośěgnjo wusokosć wót 25 m.

Krona jo kjaglojta abo walcojta.

Škóra jo bruna.

Młode gałuzy su tłuste a cerwjenožołśe kósmate.

Jegły su pó pěś na krotkich wurostkach promjenjate, pšoste, śamnozelene, tśigranite a dośěgnu dłujkosć wót 6 až 10 mm a šyrokosć wót 1,5 mm.

Kwiśo wót junija až julija.

Šyški su jajojte, kśiwo zrownane abo wótstojne a dośěgnu dłujkosć wót 5 až 8 cm. Wóni akle w drugim lěśe pó kwiśenju zdrjałe budu. Płodowe spjerchliny su módrojte a maju brunu špicu.

Stojnišćo a rozšyrjenje

Rosće w jeglinowych gólach we wusokich połoženjach a na gólnej granicy Alpow a Karpatow we wusokosćach wót něźi 1200 až 2600 m.

Nožki

1. ↑ Starosta: Dolnoserbsko-nimski słownik, Niedersorbisch-deutsches Wörterbuch, Bautzen 1999, ISBN 3-7420-1096-4, bok 95
2. ↑ W internetowem słowniku: Kiefer
3. ↑ W internetowem słowniku: Zirbelkiefer

Žrědła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 430 (nim.)