Helianthemum nummularium (L.) Miller

Wšědna słónčnička (Helianthemum nummularium) je rostlina ze swójby słónčničkowych rostlinow (Cistaceae). Dalšej serbskej ludowej mjenje stej słónčna lubka a hilžička.

Wopisanje

Wšědna słónčnička je kerk, kotryž docpěwa wysokosć wot 10 hač 20 cm.

Stołpik je ležacy abo wustupowacy, deleka bruny a wodrjewjeny.

Łopjena su owalne abo dołhojte hač linealne, často kožojte, krótkokosmate hač nahe a přećiwostejne. Wone docpěwaja dołhosć wot hač do 4 cm. Pódlanske łopješka su lancetojte.

Kćěje wot junija hač oktobra. Žołte kćenja docpěwaja wulkosć wot 1,5 hač 2,5 cm a so za sobu puknu. Kóžde kćenje jenož jedyn dźeń je žiwe a so popołdnju začini a krónowe łopješko wotpadnu.

Stejnišćo

Rosće na słónčnych (poł)suchich trawnikach, mjezach a w chójnowych lěsach. Preferuje suche, wapnite pódy.

Rozšěrjenje

Rostlina je w srjedźnej a južnej Europje rozšěrjena.

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 130 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 276 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)