सुइरोठुँडे (वैज्ञानिक नाम- Anhinga melanogaster, तराईमा बोलिने- पनवा ) नेपाल लगायत दक्षिण तथा दक्षिणपूर्वी एसियाका भुभाग पाइने एक प्रकारको चराको प्रजाति हो। यसको लामो र पातलो घाँटी तथा सिधा र तिखो ठुँडो हुन्छ। यसले पनि जलेवाले जस्तै पानिमा डुबेर माछाको शिकार गर्छ।
वयस्क सुइरोठुँडेको शरिरको रङ्ग कालो र पँखेटामा चाँदी वा सेतो रङ्गको छिर्का भएको हुन्छ। शरीरको तलको भाग कालो खैरो मिसिएको हुन्छ। यसको आँखाको नानी सेतो र पँहेलो घेरा भएको हुन्छ। यसको घाँटी कालो खैरो मिसिएको, लामो र पातलो। यसको ठुँडो फिक्का खैरो तथा तल्लो भाग पँहेलो भएको, सिधा र तिखो हुन्छ। सुइरोठुँडेको तौल १.१६ देखी १.५ किलोग्राम (४०.९ - ५२.९ औँस) सम्म हुन्छ। यसको ठुँडोको लम्बाई ७४ देखी ९० मिलिमिटर (२.९–३.५ इन्च), पँखेटाको लम्बाई ३३१ देखी ३५७ मिलिमिटर (१३.०–१४.१ इन्च), शरीरको बिचको लम्बाई ४२ देखी ४७ मिलिमिटर (१.७–१.९ इन्च) तथा पुच्छरको लम्बाई २०२ देखी २४० मिलिमिटर (८.०–९.४ इन्च) हुन्छ।[४]
सुइरोठुँडे दक्षिण तथा दक्षिणपूर्वी एसियाका भुभागमा पाइने गर्छ। यो चरा सिमसार क्षेत्र तथा ताल तलैयाको वरीपरी वसोबास गर्ने गर्छ।
सुइरोठुँडे (वैज्ञानिक नाम- Anhinga melanogaster, तराईमा बोलिने- पनवा ) नेपाल लगायत दक्षिण तथा दक्षिणपूर्वी एसियाका भुभाग पाइने एक प्रकारको चराको प्रजाति हो। यसको लामो र पातलो घाँटी तथा सिधा र तिखो ठुँडो हुन्छ। यसले पनि जलेवाले जस्तै पानिमा डुबेर माछाको शिकार गर्छ।