Ponderosa Lemon

An lukban (Ingles, Chinese grapefruit, pomelo) (Citrus maxima o Citrus grandis) sarong klaseng prutas asin iyo man an apod kan tinanom kaini. An prutas na ini sarong sitrus na tubong tal sa Sur-Subangan na Asya. Ini parati mapòsaw na berde o giyaw kun hinog na, na may maputing (minsan rosarosa o mapula) laman asin may mahibog na kiri. Ini na an pinakadakulang sitrus na prutas, 15-25 sentimetro sa pagkabilog niya.

Iba pang arapodan kaini sa Ingles: pummelo, pommelo, jabong, lusbo fruit, pompelmous asin shaddock. Sa Pakistan asin sa Apganistan apod kaini chakotara.

Hitsura asin pakinabang

Ini malungsi na berde o giyaw kun pahinog na, na may mahamis asin puting laman na nagsusuruway na garo panudok asin igwang patos nin mahibog na malomhok na ubak (albedo). Ini an pinakadakulang bunga nin tinanom na sitrus. ^[1]. An bistohan kan sitrus na ini yaon sa hitsura kan dahon: maririparo an sadit na paro-pakpak sa pag'oltan kan takogong asin mayor na dahon.

An namit kan lukban mahamis na maoro-anta'. An maputing patos kaini sa palibot kan laman dai nakakakan. An ubak kaini minsan ginigibong marmalade, dinudulse. Sa Brasil, an mahibog na ubak nagagamit sa mahamis na konserba pero an balodbod niya inaapon na. An masagom na patos sa laman ginagamit man daa na pangsaromsom sa mga kakanon na masarsa ngane paagi kaini masopsop an sarsa o katabaan sa giso.

An prutas na ini nakalaog sa Hapon dara kan sarong Kantones na kapitan durante kan An'ei era (1772–1781).^[2]

Igwa ining duwang variety, sarong mahamis na may puting laman, asin an saro maalsom na may rosa-rosang laman, asin ining huri mas ginagamit na dekorasyon sa altar imbes na kakanon an bunga. An bungang lukban daa saro sa sangkap kan inapod na "forbidden Fruit," sarong arak na antigo na, na nagpoon pa kan kaamayi nin ika20ng siglo, na may salak man tangguli asin brandy. Ini mas sinasalak sa inapod na Dorchester cocktail.

Galeriya

• Hinog na bunga, Kerala (Habagatan Indya)

• Binaak na lukban, haleng Habagatan Indya

• Pinagbukang lukban

• Mga lukban

• An lukban

• Pinagbaraak-baak na lukban, dai pa ubak

• Sa pitak-pitak sinuruway, inubakan na lukban

• Lukban sa sanga, may katakod pang burak

• Ipoh PIgtitindang lukban sa Chinatown, Singapore

• Nasa takogong pang lukban; Filipinas

• Pagbu'kad amay nin Abril

• Bukadkad nin lukban

• Pongot nin mga burak

• Yam som-o:Thai, maharang na salad nin lukban sa tagok sampalok

• Tam som-o nam pu: sarong maharang na Thai salad nin lukban, binangotan aniit

• An Fujian, Tsina bantog sa saiyang lukban

• Rosang lukban

• Lukban sa Habagatan Byetnam

• Lukban pahinog na

• Pawa nin lukban

• Pananom nin lukban

• Tinanom na lukban

• Patamboon na 'Honey' sa pagdungaw

• Sa gilid na pagtanaw kan patamboon na 'Honey'

Toltolan