Bearded Reeding

Les especies d'aves con nome común en llingua asturiana márquense como ^NOA. En casu contrariu, conséñase'l nome científicu o de la SEO.

'''Panurus biarmicus ye una pequeña ave paseriforme singular, que pertenez a una familia propia, Panuridae. Enantes fuera allugáu nes families Paridae, Aegithalidae y Paradoxornithidae por delles semeyances con elles.

Ye una especie de climes templaos d'Europa y Asia. Ye residente y la mayor parte de los individuos nun migren nun siendo qu'asocedan movimientos eruptivos o de foles de fríu. Ye vulnerable a los iviernos xelizos, que pueden matar munchos individuos.

Esta especie ye especialista de güelgues, reproduciéndose colonialmente en grandes carrizales al pie de llagos o en banzaos. Come áfidos de los xuncos pel branu, y granes del xuncu Phragmites pel hibiernu, ello ye que'l so sistema dixestivu camuda pa enfrentase coles bien distintes dietes estacionales.

Esta pequeña ave ye castañu anaranxada con cola llarga y vuelu ondulante. El machu tien cabeza gris y bigotes negros. Les bandaes de cutiu delaten la so presencia nun cañizal pola so carauterística voz “ping”.

Galería d'imáxenes

• Bandada n'hábitat natural.

• Dos machos y una fema.

• Fema.

• Nuevu (enriba), machos adultos (centru) y fema adulta (frente)

Referencies

• BirdLife International (2004). Panurus biarmicus. 2006 Llista Roxa d'Especies Amenazaes IUCN. IUCN 2006. Consultáu'l 12 de mayu de 2006. Rexistru de base de datos qu'inclúi xustificación de por qué esta especie ye calificada como non amenazada.
• Robson, C. (2007). Family Paradoxornithidae (Parrotbills) Pp. 292 - 321 en; del Hoyo, J., Elliott, A. & Christie, D.A. eds. en: Handbook of the Birds of the World. Volume 12: Picathartes to Tits and Chickadees Lynx Edicions. Barcelona.

Enllaces esternos

• Wikimedia Commons tien conteníu multimedia tocante a Panurus biarmicus.

• Videos de Panurus biarmicus na Internet Bird Collection