Iалаьматмаймал (лаьт: Gorilla, эрс: Горилла) — Адамамаймалa (Hominidae) дезала, тӀакхета маймал да.
Кхийна борша дегlадар 1,65 — 1,75 эрш хул. Вешта 2 эрш кхоaчал зийна хиннад цу тайпар оaкхар, амма цул доккхагlа да аьнна хеташ дац. Борша дийната баламий шерал 1 эрш хилал да. Борша дозал юкъашха 135—250 кила хул е дукхагlа. Iалаьматмаймалий сеш шозза зlамагlа хул.
lалаьматмаймала даара бух баьцовгlа даар чулоац. Баьцовгlа даара юкъера эггара хьакъоастлуш дола баьцаш да: галибуц, акха апиовла, нитташ. Дийнаташт юкъера сагалматаш хул цара дуаш даара юкъе эггара зlамагlа дакъа дlалоацаш дола.
Иззамо тайп-тайпара минералaш хул цара юаш, масала массехк бесса топпар. lалаьматмаймалашта хий мела вlалла эшаш хулац, шортта мутт йоала баьцовгlаш тоlал хий чулоац царна эшаш дола. Вешта хийнах ларлуш хул цу тайпар оакхар, догlа a тlаэцаш дац цo.
lалама юкъе lалаьматмаймалаш экваториала хьунаш йолча лела, малхбузехьари юкъери Аьприке, лоамера lалаьматмаймалаш Виранг яха цlитувсалоамий босешка лела lама да, хьунашца хьалайиза йола. Зlамига тоабашца декъалуш да уж, борша-лоархlашки цхьайола сеши цара бераши (берригаш 5 — 30 хилал) чулоацаш.
lалаьматмайлаш дукха дикагlа довзаш да, зlамига маймалаш мо а доацаш. Уж лаьтта тlа лелаш хилара, аттагlа хул царна тlехьа хьежа а бlарглакха а.
Таханар ханашк lалаьматмаймала фу Адамамаймалa (Hominidae) дезала чура хьадоагlаш мо лоархl.
