Покшпилень ривезь (лат. Otocyon megalotis, руз. Большеу́хая лиси́ца) — те сывельде ярсыця ракша кискань семиястонть (Canidae). Буестэнть вейкине. Лемензэ саизе грекень кельстэ ютавтозь, кода «пилень киска покшпилень».
Покшпилень ривезенть рунгонть кувалмозо 46—66 см, сэрезэ 40 см. видс. Пулонть кувалмозо — 24—34 см, сталмозо — 3—5,3 кг. Пек моли тюжа ривезенть ланкс, ансяк сон седе вишкине, ды амазыйстэ покш пиле марто. Нерезэ нурькине, пшти. Пилензэ, кода весе чаво таркань ракшатнень пек покшт — 13 см. сэрьсэ. Икельце пильгензэ вете сур марто, удалцетне ансяк ниле. Те ривезень видэнть пеень системась лови 48 пейть.
Покшпилень ривезесь вастневи Африкань кавто буесэ: Эфиопия ды лембеёнкс Судансто саезь Танзания видс, ды лембеёнкс Замбиясто ды Анголасто ЛАР видс. Истямо сравтовтомась сюлмавозь сонзэ ярсамканзо марто — тикшеде ярсыця термиттэнть (Hodotermes mossambicus) марто.
