Stachys recta L.

Hórska přeslička (Stachys recta) je rostlina ze swójby cycawkowych rostlinow (Lamiaceae).

Wopis

Hórska přeslička je trajne zelo, kotrež docpěwa wysokosć wot 20 hač 60 cm. Rostlina je hrubje kosmata.

Stołpik je jednory abo rozhałuzowany a štyrihranity.

Łopjena

Łopjena su dołho-lancetojte. Delnje łopjena su stołpikate, mjeztym hornje łopjena su sedźace.

Kćenja

Kćěje wot junija hač oktobra. Kćenja su swětłožołte hač běłojte, krótko kosmate a docpěwaja dołhosć wot 1 hač 2 cm. Wjele mutličkow z 6-10 kćenjow steji čumpaće jedyn nad druhim. Keluch njese kałajo kochtate třiróžkate zubki.

Stejnišćo

Rosće na kerčinowych a pućowych kromach, suchich trawnikach a we swětłych lěsach. Preferuje skerje suche, bazowe pódy na zwjetša słónčnych, ćopłych stejnišćach. Rostlina je z 2 m hłubokimi korjenjemi derje na suche stejnišća přiměrjena.

Rozšěrjenje

Rostlina je w srjedźnej a južnej Europje rozšěrjena.

Nóžki

1. ↑ Pawoł Völkel: Prawopisny słownik hornjoserbskeje rěče. Hornjoserbsko-němski słownik. Ludowe nakładnistwo Domowina, Budyšin 2005, ISBN 3-7420-1920-1, str. 390.
2. ↑ W internetowym słowniku: Ziest

Žórła

• Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 158 (němsce)
• Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 332 (němsce)
• Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
• Kubát, K. (Hlavní editor): Klíč ke květeně České republiky. Academia, Praha (2002)
• Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
• Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)

Eksterne wotkayz

Hlej wotpowědne dataje we Wikimedia Commons:
Hórska přeslička

• Hórska přeslička. W: FloraWeb.de. (němsce)