Дрозд пејач

Turdus philomelos

D Trostle (Turdus philomelos; alemanischi Näme) isch e Zugvogel wo i Mitteleuropa brüetet und afangs November as Mittelmeer flüügt und mitti Horner wider zruggchert. I de Alpe chunnt si bis 2700 müM vor.

Uussie

D Trostle het e bruuni Obersiite, d Undersiite isch wiiss mit draieggige schwarze Tupfe. Mandli und Wiibli gsiend giich uus. Trostle wered 20 bis 22 cm lang, hend e Spannwiiti vo 33 bis 36 cm und wöget 65 bis 90 Gramm.

Lebeswiis

D Trostle lebed i Mischwälder mit Underholz, Pärk und Gärte. Si hend s Nest i Bömm oder Büsch und striichet da mit Erde und Schlamm uus. I de Dämmerig lönd si ere luute und abwechsligsriiche Gsang loos. Trostle fressed Insekte, Regeörmer, Schnegge und Hüüslischnegge, wobi si d Hüsli uf Stai kabutt mached.

Büecher

• U. N. Glutz von Blotzheim, K. M. Bauer: Handbuch der Vögel Mitteleuropas (HBV). Band 11/II, Passeriformes (2. Teil): Echte Drosseln: Turdidae, AULA-Verlag, ISBN 3-923527-00-4
• Stefan Ineichen (Hrsg.): Stadtfauna, 600 Tierarten der Stadt Zürich; Bern 2010; ISBN 978-3-258-07561-7
• Heinz Staffelbach: Handbuch Schweizer Alpen; Bern 2008.ISBN 978-3-258-06895-4
• L. Tomiałojć in W. J. M. Hagemeijer, M. J. Blair: The EBCC Atlas of European Breeding Birds – their distribution and abundance, T & A D Poyser, London 1997, ISBN 0-85661-091-7