Salmonidae (forelle en salms) is 'n vis-familie van die orde Salmoniformes. Die familie is 'n belangrike bron van voedsel vir die mens en kom natuurlik voor in gemagtigde areas in die noordelike halfrond. Die familie bevat medium tot groot visse met klein skubbe op die lyf maar niks op die kop nie en het ook 'n groot mond.
Britse koloniste in die Kaap en Natal het gou besef dat daar min inheemse hengelspesies in Suid-Afrika se riviere is maar dat die bergstrome geskik sal wees vir forel. Die eerste bevrugte eiers van die bruinforel is reeds in 1890 na Suid-Afrika gebring en die forel is suksesvol in Natal geteel. Die jong vissies was toe in die Mooi-, Boesmans- en Umgeniriviere vrygelaat. In 1892 was die bruinforel ook suksesvol in Kaapstad geteel. Teelplase was toe gebou by Jonkershoek by Stellenbosch en Pirie naby King William's Town in die Oos-Kaap. Teen 1897 was die Bruinforel teelstasies suksesvol gevestig en is die eerste Reënboogforel se bevrugte eiers na Suid-Afrika gebring. Hierna word beide spesies suksesvol gevestig in ‘n verskeidenheid riviere en die reënboogforel het meer bekend geraak. Daar was ook begin om die Beekforel – afkomstig vanaf die VSA - in Kaapstad te teel in 1950. Tot in die 1980’s was forelle slegs deur bewaringsinstansies geteel maar daarna het dit 'n groot bedryf geword wat die sport- en kommersiële mark bedien.
Die volgende genera en gepaardgaande spesies is deel van die familie en kom in Suider-Afrika voor:
Salmonidae (forelle en salms) is 'n vis-familie van die orde Salmoniformes. Die familie is 'n belangrike bron van voedsel vir die mens en kom natuurlik voor in gemagtigde areas in die noordelike halfrond. Die familie bevat medium tot groot visse met klein skubbe op die lyf maar niks op die kop nie en het ook 'n groot mond.
