Yersinia pestis

Bacillo yersinia peste

Yersinia pestis^[1] es un bacterio que causa le morbo appellate le peste.

Yersinia pestis es un bacillo. Illo es le bacterio^[2] que ha essite identificate como le agente infective del peste bubonic. Iste bacterio alsi causa duo altere formas del peste: peste septicemic e peste pneumonic.^[3] Iste tres formas del peste esseva responsible pro un grande numero de mortes in multe epidemicas in le historia human. Il es credite que iste maladias son le causa del Morte Nigre, que occideva circa un tertie del population europee inter 1347 e 1353.

Le bacillo era discoperite per le medico Helvetico-Francico Alexandre Yersin durante un epidemia del peste in Hong Kong, in 1894.^[4] Yersin travaliava al Instituto Pasteur al tempore. Originalmente, le microoganismo era appellate Pasteurella pestis. Illo era reappellate in 1967.

Al presente tres varietates de Y. pestis son cognoscite.

Etymologia

Yersinia pestis (Lehmann et Neumann 1896) van Loghem 1944. N.L. fem. n. (Neolatinum substantivum femininum) in que 'Yersinia', es nomine de bacteriologo A. J. E. Yersin, que primus fuit que identificava le organismo in le anno 1894.^[5]

Referentias

1. ↑ "THE LATER MIDDLE AGES: CRISIS AND DISINTEGRATION IN THE FOURTEENTH CENTURY," apud site socsci.gulfcoast.edu Patrono:Ling.
2. ↑ Collins FM (1996). Pasteurella, Yersinia, and Francisella. In: Baron's Medical Microbiology (Baron S et al., eds.), 4th ed., Univ of Texas Medical Branch. ISBN 0-9631172-1-1.
3. ↑ Ryan KJ; Ray CG (editors) (2004). Sherris Medical Microbiology, 4th ed., McGraw Hill, pp. 484-8. ISBN 0-8385-8529-9.
4. ↑ Bockemühl J (1994). "[100 years after the discovery of the plague-causing agent--importance and veneration of Alexandre Yersin in Vietnam today]". Immun Infekt 22 (2): 72-5. PMID 7959865.
5. ↑ "J.P. Euzéby: List of Prokaryotic names with Standing in Nomenclature - Genus Yersinia," apud situm bacterio.cict.fr.